Mércores, 09 de xullo de 2008
Hoxe aconsellamos un algo de lectura para este tempo estival. En datas de poucos acontecementos, uns cantos artigos como lectura recomendada para reflexionar e aprofundar sobre algúns temas que aquí xa temos tratado, achegando novos datos ou perspectivas. Pincha en ler máis.
O profesor Farruco Graña aborda o tema do xa tristemente famoso manifesto pola lingua “común”, cun toque de ironía que quizais lle faltou á reflexión que no seu día fixemos neste mesmo blogue. Ler artigo.
Marcelino Fernández Mallo repara nun feito aquí xa comentado, o da innumerábel actualidade que está a xerar a UE, e trata no seu artigo de cuestións que tamén aquí foron obxecto de reflexión, como a directiva do retorno, a xornada laboral de 65 horas ou o non irlandés. Ler artigo.
O sempre xenial Dani Álvarez, dende o seu “desterro” en Euskadi, asina un artigo cun título moi suxerente: “outro mundo posible; outra España, imposible”. Partindo do tema do fútbol como sedante ante a crise, e rematando tamén no tema do mencionado manifesto, trata con boas doses de retranca o ”rexurdir” do nacionalismo español. Ler artigo.
Boa lectura.
Comentarios Recentes