Nas terras de Pondal

Sábado, 06 de setembro de 2008

Segue habendo quen quere introducir na Galiza un elemento que é totalmente alleo á nosa cultura: as touradas. No concello da Coruña, a pesar da escasísima repercusión que teñen ano a ano, seguen a investir diñeiro en organizar corridas de touros. E a vila de Pontevedra é outro dos lugares onde insisten en manter nas programacións das festas este evento.

Dende aquí berramos e reivindicamos: a tortura non é cultura, nin moito menos é unha festa, nin nacional nin doutro tipo. Este espectáculo bárbaro non pode ter máis que o noso rexeitamento.