Venres, 10 de outubro de 2008
Falta pouco máis dun mes para que EEUU escolla sucesor a George W. Bush, o presidente que más opción deu á xente do humor gráfico para facer chistes á súa conta, cousa que veñen de aproveitar na revista satírica El Jueves para dedicarlle un especial. E é que Bush será sempre lembrado por Iraque, Afganistán, Guantánamo, Abu Ghraib… Sen embargo, a relación de frases absurdas que saíron da súa boca semella non ter límites. Pasen e vexan…
“A ilexitimidade é algo no que temos que falar en termos de non tela.”
“Se non facemos a guerra, corremos o risco de fracasar.”
“Creo que estamos nun camiño irreversíbel para máis liberdade e democracia. Pero as cousas poden cambiar.”
“Estou atento a non preservar só o poder executivo para min, senón tamén para os meus predecesores.”
“Sei que en Washington hai moitas ambicións. É natural. Pero agardo que os ambiciosos se dean de conta de que é máis fácil triunfar cun éxito que cun fracaso.”
“Sei que os seres humanos e os peixes poderán coexistir en paz.”
“Un número baixo de votantes é sinónimo de que menos persoas están indo votar.”
“Non é a contaminación a que ameaza o medio ambiente, senón a impureza do aire e da auga.”
“África é unha nación que sofre unha doenza terríbel.”
“Falei con Vicente Fox, o novo presidente de México, para ter petróleo que enviar a Estados Unidos. Así non dependeremos do petróleo estranxeiro.”
“Ben, ambos usamos dentífrico Colgate”, preguntado polas cousas que tiñan en común el e Blair.
“Vostedes tamén teñen negros?”, díxolle ao entón presidente do Brasil, Fernando Cardoso.
“Estamos empeñados en traballar con ambas partes para levar o nivel de terrorismo a un nivel aceptábel para ambas partes.”
“A gran maioría das nosas importacións veñen de fóra do país.”
“Se te despiden, quedas sen emprego ao 100%.”
“Terei unha política exterior orientada cara ao estranxeiro.”
En fin, e moitas máis. Se é que é difícil incluír todas as súas xoias!! Até sempre, “mister Danger”.
PD: Para quen quedase con ganas de máis frases célebres de Bush, algúns enlaces: Umberto Eco, unha web do Brasil, Attac, a frikipedia, aporrea… Moitas das frases, a maioría, repítense, como é obvio.
Outubro 11th, 2008 at 21:07
eu contra ese asasino non teño nada, pero sin ánimo de benficiar a ningún medio direivos a todos a título informativo que certa publicación catalana que secuestraron en plena democracia por un debuxo da leti e o fillo de juanca na cama adicalle esta semana o mesmo lugar ó amigo de asnar que creo q o único admirable que dixo foi iso da republica de españa (ainda que españois nn somos pero postos a ser ir sacando merda) pois que falando de merda regalan un rolo de papel para o cú coa imaxe do tío sam que vive hoxe na casa branca