Xa hai uns días destas declaracións, pero a actualidade levounos por outros derroteiros e non queriamos deixar de referírmonos a este tema, por outra parte xa recurrente. O alcalde “popular” de Baiona califica a iniciativa do noitebús de “botellón subvencionado” (ver noticia) e pide a supresión do servizo entre a súa vila e Vigo, que non solicitaran e que din que lles está a causar un grande perxuízo.
Máis aló da defensa que aquí fixemos e faremos sempre desta iniciativa do transporte nocturno, non deixa de parecernos extemporánea unha nova e falaz argumentación: a mocidade bebe porque non ten que conducir. Afortunadamente, a mocidade pode non conducir nas noites de movida, evitando así riscos para as súas vidas. O alcol xa estaba aí antes do noitebús, e seguirao a estar, a moito que se suprima este servizo, porque, para ben ou para mal, é un elemento da nosa sociedade, e non só da nosa mocidade.
No entanto, os posíbeis efectos negativos da movida nocturna (igual que os das demais concentracións de persoas, como festas populares, feiras e mercados…) deben ser minimizados pola acción das administracións públicas, mais pensar que suprimindo o noitebús a xente deixará de ir de movida á súa vila demostra a altura intelectual deste alcalde.
“Niñatos malcriados, groseros y arrogantes, principitos mimados e ignorantes, maleducados trogloditas con las hormonas descontroladas, indeseables advenedizos de la moda y acomodaticios imitadores de todo lo mediático, repelentes perturbadores de fin de semana, conspicuos consumidores de alcohol de garrafón mezclado con cualquier mierda, orgullosos fumadores de maría, costo o bazofias varias manipuladas que un camello de segunda ha pasado por la frontera metida en el culo, ignorantes de que profanan la sagrada tradición que supone el consumo de esa sustancia.”
Dominar varias linguas é importante, interesante, enriquecedor. Dende aquí defendemos o uso do galego como a nosa lingua propia, mais valoramos como tremendamente positivo o coñecemento das linguas do mundo que nos permiten comunicarnos con moita xente alén Miño. Por iso, saudamos como positiva a nova, que estes días recollen varios medios de comunicación, de que o presidente da Xunta, Emilio Pérez Touriño, e a conselleira de educación, Laura Sánchez Piñón, veñan de presentar campamentos de idiomas, malia que non entendemos que teñan que levar algúns fóra do territorio galego, pois para aprender francés ou inglés non entendemos a que teñen que ir a Palencia, por exemplo. No entanto, e recalcando o carácter positivo da iniciativa, aconsellámoslles que aproveiten para mandar a un deses campamentos ao seu compañeiro de partido, José Luis Rodríguez Zapatero. Vexan, senón, o dominio de ZP con inglés e francés, respectivamente. Espectacular, aínda que os vídeos xa teñen un tempo, pensamos que non foron moi difundidos, así que aproveitamos.
Hai días que se está mellor na cama. Ás veces, en espertando, hai que oír cousas difíciles de asumir. Hoxe é o día máis longo do ano, e hai cousas que fan que se faga aínda máis grande. Un grupo de “intelectuais” veñen de asinar publicamente un “manifiesto por la lengua común”. Din que moitas veces se usa a lingua de forma ideolóxica ou partidaria. Supoñemos que quen tal di se referirá a actos coma este.
Chuza!
Comentarios Recentes